Und schon ist sie vorbei - unsere Fasnacht - "die drey scheenschte Dääg"!
Und Frau Fasnacht machte Ihrem Namen alle Ehre - was für ein "Schwein" 🐷 😊 wir mit dem Wetter hatten! Das war ja so der Hammer! Wir haben es genossen!
Begonnen hat alles mit dem Latärne-Yypfiffe am Sonntag Abend:
Unglaublig, wie schnäll d Zyt vergoht - grad erscht hetts no Vieri gschlaage am Mäntygmorge, und jetz hetts scho wieder Vieri gschlaage, aber laider am Donnschtygmorge. Die drey scheenschte Dääg sin verby, aber s pfyfft und ruesst no immer in uns drinne und in de Ohre... S Fasnachtsfieber isch immer no do, wird nit vergoh und losst uns uff dr Bummel freye.
Danggscheen Frau Fasnacht, scheen, bisch wieder bi uns gse!
Am Frytig, 23. Hornig und Samschtig, 24. Hornig 2024 findet uf em Barfi die 1. Lektion statt. Fasnacht für alli zum Kennelehre und Usprobiere! jetzt-fasnacht.ch (Fr. 13.00 –17.00 Uhr, Sa. 11.00 –16.30 Uhr)
Wotsch bi uns mitmache? Denn kumm doch ans Yyschriibe. Du findsch uns am Samschtig, 2. Merze 2024, vom Zwei bis am Vieri rund umme Barfi undrwägs. Mir freye-n-is uf di!
Nach zwei wunderscheene Dääg mit Morgestraich, Cortège und em freye Gässle isch es scho Mittwuch und mir gniesse d Fasnacht in vollem Umfang. S Wätter stimmt, d Lüt am Stroosserand sin fasziniert und mir schwebe in dr Fasnachts-Glückseeligkait. Die kommende Stunde gniesse mir wie wenns grad kurz vorm Morgestraich wär...
Fir alli Intressierte - unsere Zeedel gits au als gsprocheni Version. Derzue aifach dr QR-Code vom Zeedel scanne - oder do uff dr Link klicke. Vill Vergniege.
Im Fasnachts-Brogramm gsehsch, wo mir underwägs sin...
Nur no weenig Sekunde, alli stöhn barat mit dr Larve uff em Kopf und em lüüchtende Kopfladäärnli, d Schleegel und d Piccolo in de Finger - do foht dr Dambuurmajor aa: "Morgestraich - vorwärts - Marsch!" - und juscht denne goht s Liecht ab und d Stadt Basel erwacht zum Lääbe.
Es isch Fasnacht!!! Wieder so richtig Fasnacht, mit allem Drum und Dra. Frau Fasnacht, mir hänn di vermisst!!!
Im Fasnachts-Brogramm gsehsch, wo mir underwägs sin...
Nach eme wunderbare Morgestraich und kurzer Pause (zem s Goschdym wäggsle) simmer barat fyr dr Cortège 2024!
Mir derfe unser Süschee bresentiere, unseri scheene Goschdym und unseri tolli Lambbe (Ladäärne). S Wätter isch uff unsrer Site - är isch halt ebe doch e Basler, dr Petrus!
Fir alli Intressierte - unsere Zeedel gits au als gsprocheni Version. Derzue aifach dr QR-Code vom Zeedel scanne - oder do uff dr Link klicke. Vill Vergniege.
Im Fasnachts-Brogramm gsehsch, wo mir underwägs sin...
D Waage- und Reggwisyte-Uusstellig bi dr Kasäärne sin vom Määntig znacht bis am Mittwuch demoorge!
Und auch dieses Jahr fanden sie wieder statt - die Marschiebige...
Dieses Mal machten wir alle unsere Marschübungen in der Grün80. Und es lief gut - von Anfang an! Wir haben es schon im Griff :-)
