Am Fasnachtsmittwoch war alles wettertechnisch nicht so schlimm, wie wir zuerst gedacht hatten. Am Nachmittag regnete es zwar immer mal wieder, aber bei den grossen Güssen waren wir im Trockenen. Und Abends: da hiess es nochmals so richtig im Fasnachtsfieber schwelgen!! Wir genossen jede Minute ...
Nai, das deerf nit sy - es isch scho Donnschtygmorge und dr Ändstraich isch gse! Die drey scheenschte Dääg sin scho wieder verby, aber s pfyfft und ruesst no immer in uns drinne und in de Ohre... S Fasnachtsfieber isch immer no do, wird nit vergoh und losst ys uff dr Bummel freye.
Danggscheen Frau Fasnacht, scheen, bisch wieder bi uns gse!
Am Frytig und Samschtig, 14./15. Meerz 2025, findet uf em Barfi die 1. Lektion statt. Fasnacht für alli zum Kennelehre und Usprobiere! jetzt-fasnacht.ch (Fr. 13.00 –17.00 Uhr, Sa. 11.00 –16.00 Uhr)
Wotsch bi uns mitmache? Denn mäld Di doch bi unserem Obmaa: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Mir freye-n-is uf di!
No ganz seelig im Fasnachtshimmel steehn mir scho gli wieder yy fyr dr zwaiti Cortège. Nach em Morgestraich, em Cortège und em freye Gässle geschter isch es scho wieder Mittwuch und mir gniesse nomol d Fasnacht in volle Züüg. S Wätter stimmt nit so ganz, aber d Lüt am Stroosserand sin fasziniert und mir schwebe in dr Fasnachts-Glückseeligkait. Die kommende Stunde gniesse mir wie wenns grad kurz vorm Morgestraich wär...
Fir alli Intressierte - unsere Zeedel gits au als gsprocheni Version. Derzue aifach dr QR-Code vom Zeedel scanne - oder do uff dr Link klicke. Vill Vergniege.
Im Fasnachts-Brogramm gsehsch, wo mir underwägs sin...
Laider isch dr Morgestraich scho wieder verbyy, aber nach eme feine zMorge mit dr Glygge und ere churze Pause (zem s Goschdym wäggsle...!) gohts wytter...
Stolz geehn mir mit unserem tolle Süschee und vill Gebimmel als Ueli uff d Route. S Wätter isch nit so dr "Börner" - dr Petrus schiint naime anders beschäftigt z sy!
Fir alli Intressierte - unsere Zeedel gits au als gsprocheni Version. Derzue aifach dr QR-Code vom Zeedel scanne - oder do uff dr Link klicke. Vill Vergniege.
Im Fasnachts-Brogramm gsehsch, wo mir underwägs sin...
D Waage- und Reggwisyte-Uusstellig bi dr Kasäärne sin vom Määntig znacht bis am Mittwuch demoorge!
Dr Fasnachtsmäntig - trocke und herrligg!
S'Ainzig wo miehsam gsi isch: dr Stau uff em Cortège. Aber sunnscht hetts gfäggt und mir hän dä erschti Fasnachtstag und Oobe in volle Züüg könne gniesse!
E paar Insider-Gschichtli:
Bim Stau sin mir denn spielend uffs Trottoirrändli gsässe und es sin vieli Föteli e soo vo uns gmacht worde. Es sin no anderi Gschichte passiert: z.B. e Tambourmajor wo uff dr Latärne sitzt, e Drummler wo bim Spiele während em Laufe e neue Marsch leernt (dangge an dr Noteträger 🤩), e Begleitperson wo zum Yyfädler worde isch und e soo dr Stau besitigt hett (dangge 🙏🏼, sage alli wo hinte dra gstande sin, ca. 45 Minute lang!!!), s'duureheebe und drgege halte vo de Junge mit ere grosse Dambuure-Gruppe hintedra (Gratulation!)...
Unser Sujet 2025 lutet:
"Unser Häärz schloot root-blau, seit dr Babbe ze sym Soon - Dr Shaqiri fillt wiider s Stadion"
Abgloffe sin mir das Joohr zämme mit em Stamm vor em Hotel Drey Waggis (oder Drey Keenig, wie me's usserhalb vo dr Fasnacht kennt). So sin mir grad zur Schiffländi füühre kooh und hän gseh, wie dr Ryhsprung durab Kopfladärnli z'wangge kömme. E schöne Ort zum loslaufe, finde mir.
Denn sin mir bis zur Hauptposcht guet duure koh, aber biim Ybiege in d'Falknerstroos hän mir uns e bizz miesse gedulde, will grad einigi Cliquene dur d'Falknerstroos gloffe sind. Aber wyt ischs nümme gsi bis zum erschte Halt, vis-à-vis vom Latini. Nach ere kurze Pause sin mir Junge denn wieder Yygschtande und los zum Cliquekäller gloffe. Mir hän wieder e super z'Morge bekoh (Dangge Jolanda und Thomy; au für die tolle Tischset!).
Denn hett's nomol gheisse: Ab uff d'Gass. Das isch denn e bizz e lange Riehme gsi, aber schön. Morgestraich isch schliessligg nur einmol im Joor!
Nach dr Pause sin mir denn elay wyyter zooge!
